XX. mendeko Euskararen Corpus estatistikoa
Testuingurua
Etxegarai kardenalari errefuxiatuei buruz gutuna eman.BAIONA (EGIN).
- Euskal Errefuxiatuen Laguntzarako Elkarteak gutun berezia eman dio eskura Etchegaray Kardenalari. Gutun honen bidez errefuxiatuen egoera larria agertzen dio, nahiz eta kardenalak gai honetaz nahiko berri baduen.
Hona hemen gutuna: Egun zure sorterrian zaudelarik zureganat etortzen gakaizkizu euskal errefuxiatu politikoen aldeko Elkartearen izenean
.
Duela zenbait aste paper bat igorri genizun gure anaien zortearen berri ematen zizuna
.
Ez du aspaldi Aita Sanduari hemengo apaiz multzo batek letra edo gutun bat igorri diola zure bitartez; beraz, situazione hau ezagutzen duzula badakigu eta horretan luzatzea ez zaigu baitezpadakoa iduri
.
Halere, horra laburzki aste bi honetan gertatua: gose greba hogeita hamabost lagunek eramanik hogeita hamalau egunez; errefuxiatu bat tirokatua izan da Miarritzen; aldiz, gure manifestazioneak debekatzeaz bestalde, Administrazioneak ez du deus esan, ez entzutearena egin du luzaz
.
Halere, joan den astean, bilkura inportantea egin behar zuten Kontseilari Jeneralek; gibelatua izan da, baina laster egingo dela uste dugu
.
Euskal apaizak ere errezibitu ditu subprefektak
.
Lapurdiko mera multzo batek aterabide baten beharra garbiki agertu du, beraz, gauzek antola daitezkeela iduri dute, ezen eta korapilo horrek badu aterabide, eta hauxe da: errefuxiatuei berriz ematea lehenago zuten errefuxiatu politikoen Estatutoa
.
Estatuto hori frantses gobernuak murrizten du joan den urtarrilean
.
Joko tzar horren aitzaki Espainiako Konstituzione berria
.
Ez dugu ahanzten ahal euskal populuaren gehiengoak edo maioriak Konstituzione hau ez duela onartu azken bozketan
.
Familia, adiskideak, denak utzirik hona etortzerat behartuak izan diren euskal errefuxiatuek, hemen bizi nahi dute, hemen, Euskal Herrian
.
Valensolen eta halako lekuetan bizitzea ez dute nahi, nahiz eta batzu poliziak harat eraman dituen
.
Gure ustez, zuk zerorrek, euskalduna izanik eta zure sorterrian egonik, sendi dukezu sentimendu hau bai eta hemen bizitzeko nahikunde azkar hau ere
.
Badakizu ere zein pixukoa litzatekeen zure urratsa zerbait egin bazineza errefuxiatuen alde
.
Hau da, hain zuzen, hemen galdegiten dizuguna, errefuxiatuen alde publikoki agertzea berek behar dituzten aferak berak defendituz; euskal errefuxiatu politikoen Estatutoa lanean hartzeko eta hemen egoiteko kartak; hemendik kanporatzea eta urruntzeak gelditzea; Euskal Herrian bizitzeko euskaldun guztiek duten eskubidea errespetatzea
.
Aitzinetik mila esker zure laguntzagatik
.
Ezpeletan, irailaren 30ean
.